ФAкти за твојата плодност!

Што е плодност?

• Плодноста е способност да се зачне бебе.

Што е неплодност?

• За неплодност зборуваме кога 12 месеци се обидуваме да забремениме, но без успех. Неплодноста, исто така, може да се дијагностицира и без обид за бебе, во случај на специфични медицински состојби.

Жени: Жените се раѓаат со сите нивни јајце клетки. Квалитетот и количината на јајце клетките се намалуваат со возраста – нагло се намалуваат по 35тата година, а уште повеќе после 40тата година.

Мажи: Возраста влијае на плодноста и кај мажите. Квалитетот и подвижноста на сперматозоидите почнуваат да се намалуваат по 40-годишна возраст.

Кај мажите, алкохолот може да го намали нивото на тестостерон и да го намали бројот на сперматозоиди. Кај жените, алкохолот ја намалува можноста за зачнување и е поврзана со загуба на рана бременост.

Кај мажите, пушењето и користење на електронски цигари ја оштетува спермата и го намалуваат бројот и подвижноста на сперматозоидите.
Кај жените, пушењето и користење на електронски цигари ги оштетува јајце клетките и го намалува нивниот квалитет.

Сексуално преносливите инфекции (СПИ) можат да им наштетат на човечките репродуктивни органи. СПИ се пренесуваат преку секс, обично доколку не се користи кондом. Доколку овие болести се дијагностицираат и лекуваат рано, трајното оштетување на плодноста може да се избегне. Сепак, доцна реакција може да доведе до непоправлива штета.

Како да знам дали имам СПИ? Ако се сомневаш, треба да се тестираш. Најдобар начин да се заштитиш е секогаш да користиш кондом.

Обезноста кај мажите може да доведе до слаб квалитет на спермата. Дебелината кај жените може да доведе до поретки овулации (и, како резултат на тоа, поретки менструални циклуси) или до нивно целосно изостанување.

Прекумерното вежбање не е добро за телото. Кај жените тоа може да доведе до подолги и неправилни менструални циклуси, па дури и до прекин на менструацијата. Постојат индикации дека интензивните физички вежби може да бидат лоши за квалитетот на спермата кај мажите.

Наркотиците можат да ја потиснат овулацијата кај жените. Марихуаната предизвикува низок број на сперматозоиди, ја оштетува подвижноста и квалитетот на спермата кај мажите. Дури и повремената употреба на кокаин трајно го оштетува квантитетот и квалитетот на спермата. Ако твојот доктор ти препишал лек со слично дејство, добро е да поразговарте за ефектот на лекот.

Анаболни стероиди земени за зголемување на мускулната маса го намалуваат производството на тестостерон и може да предизвикаат неплодност кај мажите. Иако овој ефект е обично повратен, во некои случаи штетата може да биде непоправлива.

Неплодноста може да биде многу стресна за парот, но само опуштање или земање витамини не е решение. Единствен начинот да се дијагностицираат причините за неплодноста и да се третира оваа состојба е со помош на доктор за плодност.

Парот треба да побара медицинска помош по една година обиди без успех. Ако жената е постара од 35 години, се препорачува да се посети специјалист за плодност по 6 месеци обиди за зачнување. Ако постојат познати медицински состојби, најдобро е да се побара доктор уште порано. Сами жени исто така можат да побараат медицинска помош кога сакаат да имаат деца.

Во околу 30% од случаите на неплодност причината е поврзана со жената, во околу 30% од случаите причината е кај мажот, во околу 30% од случаите има и машки и женски фактори. Во околу 10% од случаите причините за неплодност се непознати.
15 до 20% од луѓето на репродуктивна возраст во Европа се соочуваат со неплодност.